LIRIK BUKU ENDE GKPPD

  Jesus Tuhanku rajai mo aku, asa mengekut bamu mo aku.  Tepet ukurku iani mo i, ulang ne masuk sideban misi.  Jesus pesennang ukurku dak tong, asa merguru bamu aku tong. Mbhue kalon ngo kinipersukki, sidang mak Jesus i deng denganki. Lalap ngo susah dak tong roh baku, pellin masehna ngono roh baku. Dak ngo isasa dosangku, krina ia memaingken nggelluh aku. Bang pe mertaki sibolis baku, jah moyang atena midah aku. Mak ne mbiar aku pos atengki, perlenggemenku tong ngo Jesus i. Asal isidi Immanuel i, menter sumondhar ngo karina i. Simerkeposen taba Jesus i, dak sayurntua ngo kalak idi. Simerketoken taba Jesus i, anah perukur mpanting bujur i. Sennang ngo ia i dhunia en, sennang i sorga sakat mi segen.

  Aku mono ekutken ke, nina Tuhan Ta Jesus.  Persomada mo dirinde, kataKu mono tulus. Mbalangken mo si maing mbile, pemahan mi siso mende. Aku ngo menedangi ke, i dalan kenggeluhen.  Sa ulang laling kene ne, ndaoh mono kemagoen. Aku ngo perkiteen nde, mi kesenangen si mende. Naing kutuduhken mo bai nde, si naing tepisen ndene.  Krina ngeduk ukur ndene, imo obahen ndene. Asa mpanting mo tendi nde, tikan persalpunen ngeluh nde. Pecerrep ukur aku en, janah ngkelleng atengku.  Tuhu melamlam ukur ken, melamlam bang katangku.  Dak tong ku tatap Debata, kumerna i ekut aku. Oda terbakin kami i, bagidi kate ndene.  Ulang mo mbiar ke isi, aku ngo dengan ndene. Kutaluken ngo musuh i, tok mono ukur mi ale. Simenghargaken kesah i, ing kembalangen kesah.  Tapi si menggiaken i, ingo penggeluhken sa.  Siso memersan silang i, siso patut baku ngo i. Mula bagi manati mo, laus mengekutken Jesus.  Daging ta i bak tendi no, si berre mo bai Jesus.  Si men...

  Tong ngo dak keposen, Tuhan Jesus i. Kerna nggo i persan, ngo dosanta i. Kata bang dame na kenggeluhen i, kalak sipercaya i katana i 2x. Dak ngo i dengani, si percaya i. Janah genep ari, roh basa na i. Taba siso ganggu i gegoh na i, mendokken Tuhan ku sondel mende i 2x. Merguru taba sa, krina tanoh en. Senteng ngo katana, taba kita en. Dak maseh atena, si termurmuri. I petengken-tengken, bai lemo na i 2x. Ale Tuhan nami, dak bendangi ma. Karinana dengan, sini sumatera. Dekket kalak nias, kalak borneo. Asa ue ia mengharapken ko 2x. Bang karina jelma, sini afrika. Soh mi kalak china, soh mi asia. O Jesus penendang, dak bendangi ma. Asa roh mersembah, bamu Debata 2x.

Kum oda maseh mi, kum oda basa mi, mike aku. Kumerna basa mi, bak maseh ate mi, sorga bangku. Melias ate mo, O Debata pak ko, kerna tuhu. Si makin dalan i, Merkite anak mi, sorga bangku. Kelleng mo dak tuhu, ukur mu mpak aku, lamlam laju. Komo dak dengan ku, i perdalanen ku, senang tuhu. I suruh anak mi, baku tendi na i, siroh tan ko. Meneggu tendi ki, mi kesenangen i, kupoji ko.

  Itempa ko aku, bendhangi ukur ken. Bang mende basa mi, karina bangku en. Gemgemmi pematangku, naing kongo ekuten ku.  Berreken mo gegoh ku, lemmo mu ulanken ku. Urup tatap aku, tuhu penempa siburju. Tuhan kepkep aku, uras mo tendingken. Merkite Daroh Mi, ianken nggeluhken. Kupoji mo gerarmu, kumerna pengkepkep mu.  Ibaing pengelakongku, bagidi ma ulanku. O Jesus paluah aku, bamu maku tuhu. Bai tendiMi Tuhan, kusohken diringken. Rajai mono padan, karina dagingken. Ia mo kudengkohken, saut maku i togiken.  Mi nggeluh pertendien, menahan pengojien. O Tendi Simbadia i, kongono Rajangki. Ale Debatangki, si tellu sada i. Bengketti ukurki, perbadiai mo i . Dak komo kutandai, egohku mo tambahi.  Menangkup keluahen, mencekep ketuahen. Im Bapa Anak Tendi i, dak tong ngo pojinku.

  Nggo mbincar ngo penendhang i, simengatasi karina  Si ue merbinendhang, dak bendhangenna Karina sikegelapen i deng ma melui misinterang Jesus saut mo takimu bendhangenmu nasa jelma asa tunduk mi Debata Ko ngo mengapoi ukurken, ale raja dhunia en Sidekah aku nggeluh, ko ngo mrreken sulangken Mak lalap aku i baing en nasa si ue salpun Bamu maku simerlea sipercaya mi katamu mengidoken penumpakmu Ise pesenangken aku, tah mike pe laus aku Pellin kongo ku bettoh dak perakapken, ngkellengmu mi ukurki si borjoki Si pogos janah moto, ulang due nenge laling Nikepkepmu ngo tendingku, kennah kongo cekepenku Sampang atengku, midah ko O Jesus Kristus Enggo roh merembah kenggeluhen, Naing tong ngo dak kupoji ko Sidekah aku itanoh, bang soh mi kesenangen Sangap sangap i jerromu, ko Rajangku ku endheken im kemulianmu Tuhan

  Dak mersampang ate kita, ale dengan kristen i. Jah sipoji mo Tuhanta, si mendhungi dosa i. I togihken Jesus i, kita kuriana i.  Ai i jalo Debatanta, kita en gabe dukakna. Tuhan Jesus ngo Rajanta, simenggemgem karina.  Sini jamoten tanganna, simerkessah karina mula. Jesus denganta, saut karina bahanta.  Mula i ruap ranana, kennah saut sinidokkenna. O kene ale perdosa, mula naing mennang kene.  Dak dengkohken mono, sora Tuhan idi taba ke. Dak obahi ukur nde, jalo Jesus mendhe.  Asa saut paluahenna, tendi ndhene i tan dosa. Enggo roh simengapoi, praten perbegu i.  Sakat mono simeheji, taba kalak tundhuk i. Tuhan Jesus Raja i, si roh i sorga i nai.  Dak sipoji mono ia, janah si uei katana.

  Bintang si Jakob idi, sini perbagah Jahoba.  Sondhel perlu ukurki, pesangaken ko mi sorga. Sikukelengi ko, roh madun tan sorga ngo. Emmas naing ku berreken ngo, Idi mo kepercayaenku. Enggo i suanken ko baku, mahan ugasenku. Dak ntamas mo emmaski, bang kepersuken i. Cember kemenjen idi, mercempul ngo mi tahtamu.  Mahan sodipki mo i, sikuembahken mi lebbemu. Dak pesiat ranangki, simemoji gerarmu. Dekket mir kuembah ngo, idi mo bonek atengku.  Kerna ku arsaki ko, kumarna mbue dosangku. Sasa mo dosangki, janah jalo mo sembahki.

Buku Ende GKPPD No. 71   O raja sitermurmur, ko Jesus Tuhanki.  Oda pernah merpunca, kum kerajaen mi Pesangap mo gerrarmu, suberi tanoh en.  Bakin roh kerajaenmu, mi babo tanoh en Simpantas kebincaren, mersembah mpak ko.  Iiembah ngo luahna, pesangapken kono  Itengen ngono bintangmu, simercuhaya i.  Magahken enggo tubuh, ko sipaluah i Ko ngo simerkesangapen, kin nai o Tuhanki.  Tapi mi kekayaen, mak sampang atemi Oda ko mengayaki, ugasen tanoh en.  Simpersuk ngo i gongi ko, i dhunia en Ko ngo simersangapna, janah mehejima.  Basamu sitetapna, bak kebenaren Mi karina kalak bujur, Dak i jamoti ko.  Tapi sinjais merukur, i ngo i alo ko Maseh atemu bangku, pebengket aku en.  Rebbak sinirajaenmu, pesennang aku en Karinana sipengago, silahken bangku nai.  Asa bennar mi sorga, soh merdalan kami Suanken mi ukurku, katamu bennar i.  Pecihur mi ukurku, merkite bintang mi  Kennah ko ekutenku, rebakken dengan i.  Jadi komo ra...

Lirik dan AUDIO Buku Ende GKPPD Nomor 68: 1+5

  Mende tuhu na peneggu Jahowa, bai karina sini permakan Mi Meter harapen bakinen Mu mara, oda terboniken ko burju Mi Nggati sungkar ngo pemakinMi, mi roka siso menandai ko Tapi merkita idi ngono roh, mi kecihuren sini teguMu Menter pati-patin sini baing jelma, memahan ekutenken tendi mi Kono dak tong siso teradah roka, kennah saut sini taki ukur mi Dak talu kalak si mengalo ko,  kasi ipakke krina gegoh na Kongo pergegoh mak tersipat i, sinitakiMu kennah saut ngo i Ialo Ko ngo sigegah merukur, sindhates i dak i pecerep Ko Tapi karina si ncerep merukur, ingo dak imaseh masehi Ko Perkata tunggang i tanoh en, i kecegoken ukurMi Sindersa dak i tatap Konogi, dak tong naing i urupi kono ngi O Tuhan dak kupoji mo ukurMu, dak ipegeluh Ko ngo kami en Kuidah kami ngo pemakinenMu, nggo kessa ma ncihur ukur ken O Debata lemmo ngo ukurMi, meneggu kami sini tanoh en Ngkelleng kalon ukurMu bai nami, naing sakat mi gembarMu baingenMu Jahowa dak pelamlam ngo ukurku, menjalo krina pemakinen mi ...

  Kekelengen simbadia,  siroh arap Jesus i Dak senggepi dak bengketi, ukur dekket tendingki. Sampang ate kalak senang, ibanua dates i Dak pesobar jah pesenang, teddoh sini ukur ki. Kesenangen dame roka, siroh bai Jesus i nai Dak peguhar aku lejja, asa tutus ukurki. Dak pelumbang mo ukurku, meradepken dengan i Asa makin ngasang aku, menalpunken dosa nai. Kesobaren ukur dame, siroh bai Tuhan ku nai  Domi ukur dekket tendi, ulang mompat isi nai. Kekelengen roh tan Jesus, pepantingken ukur ki Pedaohken krina tikas, pepangtingken ukur ki. Kerna i O Debatangku, dak petok mo ukurki  Asa sakat mi gembar mu, rebbaken simenang i